سيعضك الكلب

ـ يا حبيبي لا تروح بهذا الطريق، فيه كلب أكيد رح يعضك
بيترك كل الطرق وما بيروح إلا بهذا الطريق
بيطلع له الكلب، وبيعضه، وبيرجع عم يبكي، ويقول:
ـ ليش ما نصحتني؟
ـ يا حبيبي نصحتك أكثر من مرة.
ـ بس ما أكدت علي.
ـ شو ساوي لأكد عليك؟ بوس إيدك مثلا، ولا أربطك مثل الحمار ما خليك تمشي؟
ـ طيب شو بدي ساوي هلئ مشان عضة الكلب؟
ـ خد هذا الدواء، وهذا الدواء، بس لا تقرب على هذا الدواء... لأنه بحالتك أنت مؤذي كثير، بيساوليك حساسية، وحكة، وعينونك بيتنفخوا، وبيبظوا لبرا كثير...
يوم
يومين
أسبوع بيرجع عم يهرش مثل الكلب الجربان، وعينوا باظين لبرا شبر، ويبكي ويقول:
ـ شو بدي ساوي؟
ـ إصحك تكون أخدت الدوا اللي قلتلك لا تاخدو!!
ـ أعوذ بالله... بس خربطتت فيه، ما كنت مفكر هيك
ـ لك شلون ما كنت مفكر، وخربطت، أنا نبهتك وشددت عليك؟!
ـ أي أنت ما قلتلي أنه خطير لهالدرجة...
ـ لك شو قلتلك لكن؟ العمى بعيونك شو بغل...
ـ لا تتمسخر هلئ، قلي شو بدي ساوي؟
ـ انقبر بالبيت، ولا تتعرض للشمس، ولا تاكل أبداً بيض ولا سمك ولا بطاطا وتابع على الدوا نفسه... وإلا رح ينعقد لسانك ويتساقط شعرك...
يوم
يومين
أسبوع وشوي
الأفندي عم يرفس بالبيت وما حدا عم يفهم عليه، وبدو يحكي غصب ولسانه متفركش بحاله
يا ترى الحق على مين؟؟؟؟
لا تستغربوا أن تجدوا الأكثرية تلوم الطبيب